إبتسامة

نفس العنيدة كلماتك جوة الشفايف
نفس العيون الجريئة والقلب مش خايف
تحلم تكون جوة القلوب
ورا الدروب
تحلم تكون قلب البحور
تحلم تكون بعد السما
تحلم تكون فوق القمر
توصل لها
بالف الف سلمة
مغرورة يمكن
بس الانامل طيبة
والابتسامة مرعبة
خايف اكون غرقان فى بحرك
ويضيع معاكى حلم الصبا
قسوة عيونك
ضحكتك
خلونى أحلم انى اكون فارس على حصانى
لافف وداير حواديتك
بس خايف من قسوتك
لتتطردينى برة بيتك
واعيش ثاير على الاحلام
واعيش داير ورا الايام
وتطردينى يا طيبة
امشى كسير
تحفى الخطاوى على الدروب
وتصرخى ومن بين دموعى
يرجع المجروح أسير
ومن بين جدايلك تنظرى
فى عنيكى ضحكة مخوفانى
وعلى شفايفك تجدلى سراب مخضر
وتغرينى فى ذل حرمانى
وتضحكى وتخوفينى
تتطردينى ترجعينى
يا طيبة
وعودك الحلوة وأيام الصبا
بس خايف تانى منك
وم الابتسامة المرعبة